Cariño é puro teatro
, by : pingota
Cartel da Mostra de Cariño
Cartel de Luis Davila

Cariño acollerá entre o 11 e o 17 de setembro a 40ª edición da súa Mostra de Teatro Galego. É a máis  antiga de Galicia e ofrece, ademais das funcións teatrais para público infantil e adulto, espectáculos de rúa, cun total de 18 actividades que inclúen as mellores compañías do momento, tanto da nosa comunidade como de Portugal.

Ademais, o Concello -que é o responsable da programación coa colaboración da Deputación, a Xunta e Agadic- ten bonos ao prezo de 20 euros que permiten asistir a todos os espectáculos de noite no auditorio.

Coa bagaxe que ten esta actividade e coa calidade das propostas, para Pingota Comunicación resultou especialmente gratificante colaborar coa Mostra de Cariño deseñando o programa de man das actividades. E sobre todo fíxonos ilusión compartir traballo, aínda que sexa de maneira tanxencial, co grande Luis Davila, O Bichero, autor dun cartel do máis hamletiano (ou case nos permitiriamos a expresión jamletiano) que é, ademais, a portada da nosa publicación.

Programa

Os fans do teatro xa teñen clara a cita de Cariño; para o resto recomendamos moitísimo a visita a este concello todo o ano, pero especialmente nestas datas de intensa actividade cultural. O clásico “Río Bravo”, da compañía Chévere, e o premiado musical humorístico “Elisa e Marcela”, de A Panadaría, son algunhas propostas que se poderán ver no Auditorio Municipal en sesións de noite, xunto as das agrupacións Contraproducións, Mofa e Befa e Redrum Teatro.

Os nenos e nenas poderán gozar do aclamado espectáculo “Aire”, de María Fumaça, os monicreques de Partículas Elementares, Baobab teatro, Trompicallo e Ghazafellos Teatro.

E no capítulo de animación de rúa o clown portugués Godot, que se vai incorporar en breve ao Circo do Sol, será unha das atraccións máis esperadas, xunto a Natalia Outeiro, “Pajarito”; Cirk About It; Culturactiva, coa súa comedia de rúa “Saaabor!”; o concerto de ukeleles de “Ukestra do medio”; Shakti Olaizola e as acrobacias de Okidok.

Agardámosvos en Cariño!


¿Compartes?

Facebooktwittergoogle_pluslinkedinmailFacebooktwittergoogle_pluslinkedinmail

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR