“Dentro dunha pinga hai un océano enteiro” (Ryszard Kapucinski)
O NOSO EQUIPO
Pingota Comunicación nace por iniciativa de tres xornalistas, Puri Rodríguez Calvo, Montse Mayoral Míguez e Pilar Cotovad Cal, con máis de vinte anos de experiencia na prensa escrita. Esa traxectoria profesional marca o carácter da nosa axencia e o noso traballo, no que ten especial relevancia a elaboración de contidos de calidade e a actualización constante para traballar na contorna dixital e respostar de maneira axeitada ás demandas dos nosos clientes. No 2025 cumprimos 10 anos de traxectoria, agora cun equipo no que permanecen Puri Rodríguez e Montse Mayoral e ao que se sumou hai dous anos outra xornalista que comparte os mesmos valores, Puri Ceballos Romero.
Organizamos a campaña municipal Narón Adestra en Igualdade
O deporte é moito máis que competición. É educación, convivencia, valores e comunidade e, sobre todo, é un importante espazo de socialización. Para aproveitalo como ferramenta para loitar contra a violencia machista, o Concello de Narón puxo en marcha a campaña «Narón Adestra en Igualdade». A responsabilidade da organización deste programa, que se desenvolve […]
25-N, nin negar nin esquecer
No Día Internacional da Eliminación da Violencia contra as Mulleres a nosa voz é máis reivindicativa que nunca. Respecto. Educación. Empatía. Apoio. Igualdade. Son tantas as cousas imprescindibles para rematar con ela! Desde Pingota Comunicación hoxe queremos destacar algunhas desas reivindicacións, ás que lles puxemos imaxe para o Concello de Mugardos e o de Ferrol. […]
