Pingota Comunicación promociona o certame Tapéate Ferrol nas redes sociais

Ferrol nas redes sociais

A nosa axencia Pingota Comunicación recibiu o encargo de promocionar nas redes sociais o Tapéate Ferrol 2015, o certame de tapas organizado polo Concello de Ferrol, a Sociedade Mixta de Turismo e a Asociación de Empresarios de Hostalería de Ferrol.

Do 3 ao 13 de decembro, un total de 24 establecementos de hostalería de Ferrol ofreceron as súas mellores tapas ao prezo de dous euros, e nós empregámonos na gratificante tarea de difundir esta festa gastronómica a través dunha páxina en Facebook, un perfil de Twitter e outro de Instagram.
Non podemos máis que agradecer a confianza depositada en nós e a amabilidade e entusiasmo co que nos recibiron todos os hostaleiros. Cremos que o resultado foi excelente e que contribuímos a lograr un certame cunha alta participación, tal como os propios cociñeiros nos confirmaron. Moitos ferroláns fixeron a ruta de tapas, votaron as que máis lles gustaron e compartiron en moitas ocasións as súas impresións nos nosos perfís sociais, contribuíndo así a dar maior difusión ao evento.

Os resultados:

Cómpre poñer en números o que logramos en menos dun mes de campaña nas redes sociais:
As publicacións da nosa páxina de Facebook alcanzaron a 40.000 personas: é o número de veces que as nosas entradas se mostraron aos usuarios da rede, tanto no ordenador como no móvil.
Os nosos chíos no Twitter obtiveron 37.000 impresións (vistas).
O perfil de Instagram acadou 90 seguidores e máis dun cento de “me gusta”.
Convencidos de que as redes sociais son unha boa forma de comunicar? En Pingota Comunicación estamos seguras.

Post by pingota

Comments are closed.